LOVE STORY LEH HMANGAIHNA LAM SAWINA GROUP SPECIAL STORY

 Rei pawh facebook-ah account ka la nei lova mahse thian 120 bawr ve chu khel lovah ka nei ve tar eng mai. Ka thian kawm ngaih em em thenkhatte nen chuan Wall lamah kan inkawm thin a, hun a liam a, Group siam a rawn hluar chhova kan thianpa pakhat chuan LOVE STORY LEH HMANGAIHNA LAM SAWINA GROUP ah chuan min rawn add ve ta hlawl mai a.

 Vawi khat chu ka notification-ah chuan Mawitei Posted in LOVE STORY LEH HMANGAIHNA LAM SAWINA GROUP tih a rawn lang a, biak tur dang an awm loh avangin kan check a, mawite-I chuan “a ngaihzawng nen a tette atanga inkawm chho an nih thu te, an inngaihzawn chhoh dante, enge maw ho te te a an intih thinrim dan leh a hmangaih leh hmangaih loh a hriat lohte, midang ngaihzawn san a duh chuang loh thute” a rawn sawi a. Fiamthu ang reng deuh hian ka va commnent sak a, Hmeichhe dang ka comment fo thin ang lo takin min rawn chhang ve zel a, biak a nuam ka ti hle” chutia in chhang in chhang ta   na na chu friend ka va request a, a profile picture kan enchiang chiah mai chu(h)!

 Ka nupui nen hian kum thum kan inneih hnu in kan karah hmangaihna a piang lo a nia nge? Kan inthen tawp a, Ka fanu pawh chhuahsanin naupang anu la mamawh ngawih ngawih a kal san duh chu a mak ka ti a, hmeichhia hian hmangaihna an neih ve tak tak theih pawh ka ring tawh lo hial a ni. Zu hi ka in nasa em em a, mahse ka fanu chu an sikul-ah zak tak tak a, keimah avanga a thianten an lo chhaih tin avangin ka nghei hmin hmiah.

Chatbox, a rawn ri tlung a. Mawite-I ngei a ni. Ka chanchin engkim ka hrilh avang pawh a ni mahna, a online hi chuan min rawn be hmasa ve ziah, keipawh chuan ka be ve reng tho a, Hmangaihna dik tak abialpa nen an inkara a awm leh awm loh hi a thil hriat chak ber a nih thu a sawi cham chi a, Kei pathlawi lungfing tawh chu Hetiang lamah ka ril te pawn ani mahna le…

Kan in be zing tulh tulh a,tunah chuan Facebbok chauh lo,  phone pawh chuan kan inbe fo ta mai. Kei pawh atira ka rilru ang lo deuhin ka biak loh hi chuan ka khua a har ru riau tawh, mahse ngaihzawnna lam thu sawi chu thil thiang lo ah ka ngai bur.

Ka fanu damloh avangin damdawiinah ka entir a, ka hnunglam atang chuan min rawn kheuh “ LAWMA???” a rawn ti. Ka hawi let a, ani, ka hai mawlh lo, Mawitei ngei a ni. tute emaw tih dan ang lo takin a profile picture ai chuan a takah chuan alo duh awm leh nghal. Ka fanu chuan “apa ??” a rawn tihah chuan ka harh zawk. Mawitei nen chuan kan inhmu ta, ekan damdawiin kal chhan te kan inhrilh hnu chuan kan in bye bye  ta rih a.

Zanah chuan phur fahranin ka han facebook a, ka chat message pawh a lo awm ngei e, ka ring sual lo, Mawitei Message ngei a ni. “ vawiin khan ka rin aiin ila naupang hmel, ka lo ngai upa lutuk che niang hi2” tih zawng a ni. A tawi zawngin sawi ta mai ila, kan inngaihzawng zui tran chu a nit a der mai.

Nula hmeltha lutuk ngaihzawn chu a nuam kher mai, mipa zawk nimahila min care em em a, ka harsatna hriat a tum fova, min puih hi a chak ngawih ngawih ni berin ka hre thin. Mahse, inthlahrun erawh ana duh thin khawp mai. An inah pawh chuan ka chuangkai ve ta fo a, mahse, ka chanchin pawh a chhungte chuan an hr eve lo thei lo. Min lawm vak lo tih a hriat mai.

Hlim dun ve viau thin mahila, harsatna chuan min kiansan a ni bik lo, a zual tulh tulh a nit a ber, Mawitei khan a bialpa ala tlah lova, thlah turin ka ti duh hek lo. Aman duh thlanna a siam fel mai turah turah ka ngai.

Vawi khat chu “Lawma ka ring zawk che a, mi hmuhah pawh a mawi lo tih pawh ka hria, Sangtea (a bialpa hmasa zawk) nen hian mizawng zawngin innei, inngaizawng thaah min ngai, mahse ka duh che a, ka vei tlat che nih chu, hmeichhe tenawm leh mi kawp ching nih ka duh lo, mahse ka nihna a ni si, ka inngaih ngun a piang hian nuam ka ti lo, mahse ka then thei silo che, ka ngai lutuk che” tih thu a rawn thawn a. A sawi dik hle pawn ka hria, dik tak chuan kan mizia a inmil lutuk leh kan duh zawng, frank dan thlengin ka duh thusam hmeichhia  ani si, Ka dem phal lo, Sangtea ka thik vet ho nangin ka tilang duh ngai lo. “ Hun in itana tha tur ala hril mai ang” tih zawng chuan ka chhang top, kan in be zui zel ta lem lo.

“Mawitei hi ka hmangaih em em a, ka hmangaih reng ang, hmeichhe thianghlim a ni(ka ngaihah chuan). Mahse ka hmangaih a nih chuan enge maw ka tih a ngai a ni. Sangtea banin min tlang turin tita ila

 I he lova a zam nghal ka ring. Mahse, Ka ti loving ka ti ngai loving. Ngun takin ka inngaihtuah, kei chuan fa ka nei tawh a, kan future-ah tuna kan hlim ang reng hian kan hlim ang em? A chhungte hian rilru dam takin min pawm ang em? Tichuan, ngawi reng a amah bansan zai rel chu ka thlang ta zawk a, mahse, hetiang zawng zawng ka tih theih na chhan leh atana ka rilru leh ngaihtuahna zawng zawng ka sen chhan hi, amah ka hmangaih vang a ni ka ti lo thei lo.Ka hmangaih reng ang a dam chhungin” tiin ka thutlukna chu ka siamfel ta a.

MELINA KHAW NGE I AWM?

By Puitea Tuallawt

Ruah phingphisiau sur seng seng kârah kan chûanna train chuan a thlen tumna lam panin hma a sâwn ri tluk tluk a.

Rilru-ah Bawihtei leh a nu an rawn lang a. Ka kalsan dawn laia bawihtei ap ri te, fiah lo taka ‘apa’ tia min kohna ri te kha ka bengah a lo ri nawn leh awn awn a. Bawihtei nu tak pawh kha..a kut lum ther ther te.. ‘duat..zu te kha zu in ve miah suh aw..bawihtei nen kan lo nghak reng dawn che nia, ka hmangaih lutuk che..’ a bianga mittui luang tle ser ser te kha aw....

Bawihtei nu nen hian B.A bul kan tan tirh lai atangin kan inhre tan a, kan inhmuh tirh phat atangin kan inngaina nghal a. Hmangaihna khurah, nitin zantin hmangaihna tui kan châwi dun a. BA Final kan zir kumin ka fa a pai a. Ka fa a pai tih min hrilh zanin kan inru zui nghal; kan inhmangaihna chuan khawvel hi a cho a, kan naupanna theihnghilh thakin nun hi kan chhek arbawm a. Mahse, kan chhungte ve vein inneih an la remti lo.

Kan in iai tawn pawh a ni lo, kan la naupang lulai em a. Nghak deuh rih turin min duh a ni. Bawihtei nu chuan sikul a chawlhsan zui a, kei erawh chu ka nu thu zawmin phai lamah kum thum tal lehkha zir zawm turin ka liam thla ta a ni. Ka zir zawh veleh kan innei ang. Chu chu kan hria.

Ka hmaa TOI chanchinbu hlui tawh tak chu rilru pe lo zetin ka bih kual mai mai a. Chutih lai tak chuan a ni...amah chu ka hmuh ni. Inthlahrung tih hriat takin a lo lut a, ka bul vela vai ho thu ve lah chuan thutna kente chu an tum ikhaw si lo. Ka tho vat a, a bag khai chu ka lak sak a, hmun remchang laiah ka dah a. Ka thutna chu ka kawhhmuh a. A nui seih a, a inthlahrung a ni tih a lang. Heng thil ka tih chhan hi mizo ka nih vang liau liau a ni. Bawihtei leh a nu ka phatsan love!!

Chu chu Melina nen kan inhmelhriat tan dan chu a ni. 

Hostel-ah seat ka chan tawh loh avangin ka thianpa nen in kan inluah tawm a. Zirlai kan tan ta. Melina nena kan inhmuh leh hmasak ber chu kan intawn tirh atanga thla khat liam hnu-ah a ni. Bawihte-i leh a nu phone tumin PCO ah midang hman zawh hun nghakin ka thu a. Ka rin aiin ka mi nghah chuan a hmang rei phian a, ka thin a rim hman lek lek tawh tihin a rawn chhuak a, Melina ngei chu!

Tleirawl tê a ni. Min hmuh rualin a nui a, “Aw haw, nang i ni maw...ka pa nen kan inbiâa, ka nu a damlo deuh a ni awm a. Ka hmang rei ta deuh a ni, pawi lutuk, min nghak rei tawh em, i lo ning tawh viau ang a,” a ti a. “Ning love, ka nghahna a la rei lo,” ka ti a, dawt ka sawi a. Phone hmang turin ka lut ve nghal a.

Bawihtei nu chuan tlai lam atanga bawihtei a nawmsam loh deuh thu min hrilh a. Mahse, ngaihtuahawm a nih loh thuin a chhilh thung. Min ngaih tawh zia leh, ka biak khât avanga a vui thu te, kan awmna hmun a nuam em tih te leh thudang tam tak te kan sawi dun a.

Phone ka hmang zo ka chhuak a, pawnah Melina chu a lo la ding reng a. “Ehe..tu nge i la nghah a,a tlai tawh a sin,” ka ti a. Nui har har chungin, “Nangmah ka lo nghak che. A thim tawh sia..keimahin ka haw hreh deuh a, min thlah peih em?” a ti a, an awmna hmun a sawi a. An awmna hmun thlengin ka thlah a. Chu chu Melina nena kan intawn vawi hnihna a ni. Heng thil ka tih chhan hi mizo ka nih vang a ni a. A dang a tel tran em ka hre lo.

Zan ka mut dawn thlenga Melina ka ngaihtuah zui ta deuh tlat mai chu ka inthiam lo tak meuh. “U Zar, train a kan inhmuh hnu atang khan ka rilru-ah i awm reng a, hmuh leh che tumin ka zawng nasa lutuk che. Hmuh tur i awm si lo. Ka zakthei lo min ti em?” 

Tleirawl te a ni, a rilru thianghlimzia chu a mitah a lang a. Heng thute pawh hi zak chung chungin a ni a sawi ni. A zak der lo, a zak tak tak a ni. A thinlungah sawi tul tihna a lian ve si a. Thiam leh thiam lovin a sawi ve a ni. A sawi zawngte chuan a hnuk a ulh lo chauh tih a lang reng mai.

An awmna hmun ka kalsan dawn laia varanda atanga min thlir let vawng vawng te chu keimaha keimah hian a hre thei a ni. He tleirawl hian min atchilh dawn a ni lo maw? Keite chu Bawihtei leh a nu ta ka ni tawh. Hraite i cho rual ka ni nem le!!

Mahse, engati nge keia reng reng pawh hi, nupui nei mai tur ka nih thu ka hrilh theih tlat loh le. Engati nge? Engati nge?

Zingah kawngkhar kik dat dat riin min ti harh a, ka thianpa (ka room mate) lah zing class a neih avangin a chhuak daih tawh si. Peih lo zetin ka tho a, kawngkhar ka va hawng a. Melina a lo ding paw pheu mai. Ka phu zawk a, “ Ehe..eng nge i rawn tih dawn?” ka ti a. Ka zawhna avanga chuan Melina nui hmel chu a tim deuh chawih a, inthiam lo lutuk hmel a pu a. “Ka tihpalh a ni. Ka kal leh nghal mai ang,” a ti a.

A banah ka chelh a, “I ho lutuk, lo lut rawh, lo lut rawh. Ka han hmu thut che kha ka hamhaih deuh a lawm mawle.” ka ti a. Ka kai lut a. Ni..engki mai chu a inkahpuk chaw chho ta zawih zawih mai a ni ber e. Chu tleirawl duhawm lutuk nen chuan kan leng chhuak a, hringnun hi kan chhek per chhuai chhuai a. Bawihtei leh a nu hrechang lo lekin phatsanna hlim kawr ruam ka zawh a. Heti ang ka duhin ka dil ngai lo. Kan hlim dun zia te, nun tawlhpahrita nitin kan tawlh dun thin zia te, vanram varanda-a kan intawllen thin thu te sawi vek dawn ila khawvelah hian lengin ka ring lo.

Weekend vawikhat chu leng chhuak dun turin kan in date sa thlap a. Zing karah helhhawlh tih hriat fahran hian mi rawn kaitho a, “U Zar, vawiin kan hun hman tur ka nghakhlel tawh lutuk a, nizan ah pawh ka mu thei tawh lo. Hei zing kar karah ka rawn kal tawp,” a ti a. A nui her her a. A biang tai hlar mai leh a hmui sen vam hiam mai chu..awi ka sawi thei lo Ruatpuia Pa.

Khum atangin ka tho a, chutih lai tak chuan a ni ka thianpain hmanhmawh bilinga min rawn koh a, ka fanu thih thu min rawn hrilh tak ni. Melina chu a kun ngawih a. A thinlung nat dan tur chu ka hmu tlang chiang lutuk. Mahse, engmah sawi hman a ni tawh lo. Thianpa chu ka zui chhuak a, hmanhmawh takin PCO lam kan pan nghal a. Bawihtei nu trap ri ka han hre meuh chu...

Rang takin kan insiam nghal sawk sawk a. Thawmhnaw hak thlak tlem a zawng ka khung khawm a, thianpain thlawhna ticket a lo va la a. Mizoram lama haw ka inpeih a ni der mai. Pindan kil khatah Melina thu kun reng chu engtin nge ka hnem tak ang le?

“U Zar...engati nge min hrilh loh...?” chu zawhna chu kei misual hian engtin nge ka chhan tak ang le. A kut ah ka chelh a, a biang atanga mittui lo luang chuak chu ka malpuiah a far fap a.

Mizoram ka thlen chhoh hnu-ah, rei pawh rial lovin bawihtei nu nen chuan kan innei zui ta nghal a. 

Melina chanchin ka hriat leh hmasak ber chu, Mizoram lama a chhungten an fanu bo chungchang chanchinbu a an chhuah chu a ni.

Melina...tleirawl duhawm Khaw nge i awm?

DUAT KA KALSAN DAWN LO CHE.

“Duat, hetia hlim taka kan awm lai hian, ti hian ka ngaihtuah a, Inneihte kan la duh ve ngei ang a, Engtin nge kan tih zel ang? Chhungte ti buai ringawt leh harsa taka awm tir che hi ka duh lo, a theih pawh ka thei lovang ang”.

 Julie chu a ngawi vang vang a, “M.. kei pawh hian ka ngaihtuah ve thin a sin, keipawhin theih tawp ka chhuah ang a, Pasal te thawhchhuah ringawt ring nih ka duh lo, min tihlim dawn lo tihna nilovin, ka nulat chhung hian kan Pahnih a, buaina tam tak kan inneih hunah kan hmachhawn loh nan, ka zirlai ka zawh chuan engtin emaw tal thawhchhuah leh khawl neih ka duh a ni” a ti ve bawk a. Ka rilrem zawng ni chiah loh mahse Julie thusawi hi ka hnial ngai lo, Ni e, kei aiin a puitling a, hmalam hun pawh a thlir thiam em em thin.

Julie nen hian Class XII kan zirlai atanag tawhin kan inngaizawng ve a, in tihtauh chang nei ve zeuh zeuh thin mahila, vawikhatmah kan la inthen ngai lo, tunah pawh chhungte leh thiantha zawng zawngte chuan kan inneih lo reng an ring tawh lo. Kan pahnih inkarpawh midang hriat pawh kan pawiti em em tawh lo.

BA chu kan zo rual chiah a, kan chhungkaw din hmun ka en hian Julie neih duh tawh viau mahila, hna nghet ka hmu mai thei silo, Inngai leh inthlahlel taka awm reng chu kan ning dun ve tawh hle, chuvang chuan Julie ngaihdan pawh chu rem ti em em lo mahila, ka nupui a la nih miau loh avangin ka hnial duh ta lova, Bangalore lamah chuan min liamsan ta a.

Chanchin kan inhrilh tawn reng a, kar hnih a awm hnu chuan Waiter hna a hmuh thu min rawn hrilh a, kan va hlim dun tak em.. Bank account nupa kan nih huna mi atan a hawnthu ka hriatte kha ava hlimawm tak em…Julie chu ka ngai em em a, Facebook, Text message, Phone call hmangin chanchin kan inhrilh reng thin, nikhat chhunga hun hman dan zawng zawng tlailamah min rawn hrilh thin. Lungleng hle mahila, ka ngaih a tha in, kei pawh a tan theih tawp in rinawm ka tum sauh sauh thin.

Ni a liam, thla a liam, kum hial a lo vei ve dawn ta, keipawh vanneih thlak takin Police (ASI) hnaruakah chuan ka lut ve hlauh mai, mifate IAS, MCS tlingte ain ka lawmna a tlem bik kher lovang. Khel lovah training pawh ka zo thuai a, Julie pawh chu a hlim kher mai. Kan training chhuah leh a lo haw lai chu kan innang fuh hlau leh nghal.

Hmalam hun eng tak kan nei ni a ka hriatlai chuan buaina chhum chuan ka chungah thla a rawn zar ve ta tlat. Ka ngaih em em, ka hmangaih, ka nun kawng engkim a, ka theih nghilh ngai loh Julie a khawsik a reh thei ta tlat lo mai. Palai hial tirh ka duh tawh a, mahse damdawiinah chuan ka awmpui ta tlauh tlauh rih a. Thatlam a pan theih tak lovah chuan a Doctor te pawh an mangang tawh hle mai. Anatna an hrethei mai silo, a tir chuan khawsik, hritlang satliahah ka ngai, mahse tunah chuan Julie chu a cherin a dawldang tawh em em a,  ka ngaihtuah em avangin kalsan ka duh ngai lo. Ka hna ah pawh vawitam ka kal loh phah hial.

Ka office bang chu tlaidang ang bawkin damdawiin lam ka pan a, ding takin Julie khum ka pan a, mahse a lo awm hauh lo mai. A khum bula mute hnenah a awmna kan zawh chuan, “verandah lamah kan  hawiharh teng tiin a chhuak a nih kha” an ti a, “Vawiin chu a tho harh deuh a ni maw?” ti rilru chungin a awmna tur awm ang chu ka pan ve nghal a, ka hlim ru ang reng hle.

Julie chu pawn boruak lum vak lovah chuan thlanglam thlirin  a lo dak reng a, ka auh  hriat pawh chuan a rawn hawi vat lo, a hnunglam atang chuan ka va kuah a, “Min lovan ngai tawh awm ve a… Hei ka lo kal tawh a lawm” ka ti nghal sawk sawk a, mahse a che eih lo, a en ngai a en reng a, ka lam chu muang changin a rawn hawi a “M….”(a mittui a luang zawih zawih), “Duat enga ti nge a? Harsatna I nei em ni? Engnga ti nge ti hian I awm a?”.

“M… Min ngaidam rawh, neihtlak ka nilo a ni. Misual ka nih hi, I lakah hian thil zep tam tak ka nei, mahse tunah chuan sawi lo thei lo ka nita, khatia Phaia ka chhuk kha hna ka hmuh mai theih loh avangin ka thawhna Hotel Manager nen khan kan che sual ta a, hna ka duh luatah ka thianghlimna leh I tan chauh a tia ka lo serh hran thin chu Hnamdang lakah ka hralh ta a ni.” (Ka chil ka lem khawlh, ka tawlh hnung dawrh a) “Enga??” “ M.. ka sum duh luat vang vek a ni, chumai a la ni lo, tunah hian HIV+ ka ni” a in hup sawi zel turin chakna a nei tawh lo, ka hma ah chuan a thingthi hnawk a, ka ding reng,

Ngaihtuahna thu tam tak a lo lut, midang chan atan emaw, thawnthubu emaw, film emaw chauh a ka hmuh tura ka duh chu ka chung ngeiah a lo thleng ta si. Sawi tur ka hre lo, Julie chu ka en thin,a kun reng a, a mittui chhuatah a far fep fep a, “ Ka huatna leh hmangaihna a inzat ni berin ka hria, hmangaihtu a mamawh ngawih ngawih, ka pawm ang nge pawm lovang? Ngaituahna a vak nasa khawp mai,”

Kan hlimdun leh kan inngaihlai chuan “Duat, ka ngai che, ka kalsan dawn lo che” han tih mai chu a harlo, mahse Min phatsantu, min uire santu hnenah hlan a ngai erawh mahni inkhawngaihnain khah a awl duh khawp mai. Mahse tihian ka ngaihtuah a. ti hian ka ti ta a,

“Julie, ka hmangaih che ka tih hmasak ber che kha ila hria em?(alu a lo bu nghat a) khatah khan I thatlai leh ka chunga I rinawmlai chauhin KA HMANGAIH CHE, ka ti lo chuvang chuan ka hmangaihna che hi hmangaihna dik a ni, kan innei emaw nei lo emaw, kan damdun chhungchu tumahin an neih che ka phal ngai lovang, KA HMANGAIH CHE”.

A mittui kar atang chuan mak tihna a lang tih ka hrethei, Julie sualna hi ka theihngilh a ni bik lo, ka na ngawih ngawih, a natna pawh a sualvang a ni, mahse he ka thutlukna avang hian tunthleng hian ka la in chhir lo, Hmangaihna mawi zia leh ropui zia keimah atangin ka hmangaih Julie chuan a hmu thei si.

M.K.A Thukhawchang: kum 6 lai a liam dawn ta, mobile phone chhuah tir...

M.K.A Thukhawchang:
kum 6 lai a liam dawn ta, mobile phone chhuah tir...: kum 6 lai a liam dawn ta, mobile phone chhuah tirh a ni a. Nikhat chu ka mobile ah chuan number ka hriat ngai loh hian vawi 3 lai a rawn ...

kum 6 lai a liam dawn ta, mobile phone chhuah tirh a ni a. Nikhat chu ka mobile ah chuan number ka hriat ngai loh hian vawi 3 lai a rawn call a, kan pick up chuan aw ngai bawk no nalh zet chuan "David a bawk elo" a rawn ti a. Kei chuan "aw ni e " ka tih pah chuan ka nui hawk hawk a. Kan in be chhun zawm a. Eng eng emaw kan sawi tak hnu chuan hmingte in hrilhin kan hlim dun hle.

Biak tur dang pawimawh ka neih lo chuan Angel-i chu ka call ta ziah mai a. Kan inbe ngun tulh tulh a, inhmuh chakna kan nei ta, kan inhmuh hun tur leh ni kan siam fel a. Ka phur kher mai. Kei chuan a aw atang ringawt leh mi a care thiam dan atang ringawt pawhin ka duh tawh mahse a rilru erawh ka hre lo. Bakah phone atang ringawt chuan a risky ka ti ve tho a. Inngaihzawnna thu kan sawi ngai lo.

Kan inhmuhna tur hun leh ni kan ruat a lo thleng a. Ka helhhawlh hle mai. Hmun fal ang reng tak kan thlan avangin thlenhmasak ngei tumin ka theih tawp a chakin ka kal a. Mahse Angel-i chuan min lo nghak ran tawh. A aw mai ang zetin a hmeltha kher mai. Kan in chibai a, sawi tur ngah hle thin kha sawi tur erawh kan hre tam teh chiam lo.
 A tawi zawngin sawi mai ila, ka duh zia ka hrilh hnu chuan ani pawhin min iai loh thu leh min duh ve thu a sawi. Kan inzui ve ta ren rawn a. Nitinin amah ka ngaihna a zual a.A ni atelin ka Angel-i ka duhna chuan hmangaihna chuan hmangaihna lipuiah min hnuk luta, ka kawngah min hling a hrui angin min hnuk kual vel ni berin ka hria.

Amah ka duh em em avang hian ka thikthu thlengin a chhe thar em em. Ani pawh a chhe ve tho bawk. Kan in ti tau ta deuh reng mai. Hlim lo dun hle e, ti lo chuan kan inthen thei silo. Atel lova awm ka zuam lova, ka ngaihtuah ngam hek lo. Ani pawh hian min hmangaih ve tak tak chuan ka hria. Han in ti tau bar bar mah ila, changdang a kan thei bik lo. Kan buaina te sawi fel dunin kan nui dun leh tho thin.

 Nikhat chu thu thin thawng deuh hi ka thianpa ka atangin ka hria. Angel-i nen hian sex vawi khatmah kan hmang dun lo. Mahse a rai tih ka hre ta thut mai. Thianthen khat chuan keimah ka nih loh reng an ring lo.

 Angel-in min phatsan anga a rai hial ang maw? Ani thei lo. Hmeichhe bum hmang a lo ni maw? A ni thei lo. Ka ring ngam lo. Thih ka duh, mahse ka ngam silo. Ka tuar tlawk tlawk hi a ni ber.

Vawi tam tak min rawn biak a tum. Mipa ka ni e. Tiin a msg thlengin ka chhiar duh lo. Ka ngaihna a reh silo. Ka hua a ni mahse ka ngai reng si. Zu hmanga hlimna ka zawng ta. Ka harhfim peih thlawt lo. Ka taksa pawh a chhe chak hle. Damdawi In a enkawl ka na ta hial mai.
 Angel-i chuan min rawn biak a tum tawh ngai lo. Ka thianpa hnenah a chanchin ka va zawh chuan a thih thu ka hre ta mai. Thihna zawnga rapthlak ber leh ka chhungte tih atang pawh ka duh loh alo inawk hlum a nih chu!
Damdawiin atanga ka chhuah chuan Angel-i te in ka pan nghal. Zah ka sawi tawh lo. Ka mittui meuh a luang vel hial.Angel-i chuan a inawhhlum dawn khan lehkha a chhungte leh ka ta tur a lo dah thlap. Mittui karah ka chhiar ta.

David,

ka hmangaih che, hmeichhe tenawm leh phatsantu angin min ngai ti raw? Ka chanchin hriat zui i duh lo ti raw? Mahse, he ka lehkha hi lo chhiar zo hram ang che. Kan inhauh vanga kan inhmuh hnu hnun ber khan, ka haw tlai deuh kha ila hria em?, kan veng a lo kil deuh nen. Tlangval pakhat hian ka hnung atangin min rawn khawng thut a. Nikhaw hrelovin ka awm zui. Ka harh chuan Pawngsual ka ni tih ka hria. Ka rilru ana asin. Nau ka lo pai leh zel nen, i tan ka thianghlim tawh lo. I thianpa bulah a zep thei ang ber a sawi turin ka tih hnu ah chawlhtui ning zu i tlan nasa tih ka hria. David a na ka ti ngawih ngawih a sin. Ka thianghlimna i ta tur chauhva ka tih tih luihna a chhuh sak ka ni a. Nang leh zelin min bengkhawn duh ta silo. Mahse maw? I hlimna tur aniang tiin ka tuar zel. Mahse nangmah i in ti chhe zo dawn a ka hriat vangin Pathian duh loh danin ka thu sawi i bengkhawn theih nan, heti hian thu tlukna ka siam ta a ni. Ka hmangaihna che hi ka tan hmelma a alo chang zo ta. Mahse ka inchhir lo. I dam nan ka thih a ngai. Tichuan ka ngen duh che ka sawi ngam ta. Zu in tawh suh aw. Ka hmangaih che.

  Angel-i

HMANGAIHNA DIK..

James-a hmaiah chuan a ri leh thlawrh a, "vawikhat mah veng chhungah buaina siam tawh suh...i hria em?" VDP duty pakhat chuan an ti treng chhuai a, James-a chuan lu alo bu nghauh a, VDP lam pawh chuan an duhtawk ve ta aniang, an tin san ve ta a. James-a chuan a vawikhat tawnna pawh a ni lem lo, a ngawi ngal a, a kal liam ve mai dawn emaw tih lai chuan a bula motor dinglai darthlalang chu an vawm keh a, bak lengin a tlan liam nghal nal nal a.

"James-a, James-a... kan lo leng lut thei ang em?" ti a KTP hruaitu thenkhat-ten an kohna chu hre reng mahse, James-a chuan engahmah a ngai lo, inlengah a duh hek lo, a mobile a phawrh a, ear phone la chhuakin full volume a dah chungin rizai a inkhuhsan leh mai a. 

"KTP hruaitu kohhran a inhmang em em hi engmah an ni bik lo, work camp-in vai ram an kal a, an zuk nawi ve em em tho, kan level a in ang reng, eiruk an thulh chuang lo, inrel an hrat si. ka ngaisang bik lo e mai, keichu ka sual a, ka pa thisan leh ka nu uire san ka ni, khawvelah hmangaihtutak tak ka nei tawh lo, ka nun a nia, ka thu thu in ka awm ang, tumah insawisel tur bik kan awm lo" tih chu James-a ngaihdan a ni. 

Sangte-i hi nula fel leh hmeltha ve tak mai, kohhran a inhmang em em, nun ze mawi si, Pa tam tak pawhin an In a, lawi tur a an hual ruk fur a ni ta ve ang, mi dangte khawngaihna ngah tak leh mite tanpui peih tak a ni. Zirna lamah M.Sc a zo tawh a, tunah hian an veng private school pakhatah a thawk mek nghe nghe. 

"Miss, kan school compound a khu mi pakhat a mu reng mai.. a rimchhe lutuk" ti naupang pakhat-in Sangte-i bula a rawn sawi takah chuan Sangte-i chu a chhuak thuai a, a va enchian chuan tlangval sam buk ang reng tak, a kut bawr leh ke vel lah vung bur mai, kawrbal bawk si alo ni. Sangte-i chuan an enchiang deuh a, an veng thenawm tlangval sual ber an tih "James-a" ngei tih a hre mai, a hmel a dawl dangin chaw a ei tlem hle tih a hriat theih bawk. Sangte-i chuan thei leh thei lovin an bengfai thuak thuak a, a zuk kun hniam chuan Rakzu thingrim a lo nam huam mai. Taxi a ko va, class a neih tawh lem loh vangin an inlamah Sangte-i chuan a phur haw ta.

James-a a rawn harh chhuah chuan a awmna chu a hai chiang kher mai. A rimtuiin a thianghlim em em a, an tho chhuak a, abul dawhkan a thlalak chu an en a, Hmeichhe pahnih thlalak a ni, an hmeltha duh kher mai, a sang zawk chu a nui deuh seng a, a en reng lai chuan Sangte-i a rawn lut phut a, James-a chu a phu zawk nghe nghe "Tunge i nih ? khawnge min dah?" a ham haih hle. Sangte-i chuan aw dam diai hian "Lalsangpuii, sangtei ka ni a, Bethlehem vengthlangah i awm mek, i tha deuh tawh em?" tiin a chhang a, James-a chuan "khawi aw, a va zahthlak ve, ka haw dawn, min lo buaipui a ka lawm e, hetianga keia damdawi/zu rui min buaipuitu hi ka la tawng ngai lo, ka law lutuk e" tih pah a thawh mai an tum a, a lu a hai lutuk, a luak ta bawrh bawrh a, Sangte-i chuan a kut nem damdiai chuan a chal-ah a va dawm a, "James-a ka hria che a lawm, School kan kal ho thin kha, min hretawh lo em ni? mipa dangin min chhaih ten min chhan thin kha, kei chuan ka la theih nghilh miah lo, chuvangin min mamawhna i neih phawt chuan ka pui hreh ngai lovang che, zanin chu riak la, kei chu thuthlengah ka mu mai ang, ka pa te pawh ka hrilh tawh kha" a ti a, James-a chuan mak a ti kher mai. Sangte-i thusawi chu a hriat pawh a hre chhuak zo tawh lo, mahse han riah mai chu inthlahrun awm a ti si, a kal thei chuang silo. A riak ta nge nge a.

Sangte-i pa chuan, "Hetiang drug addict mai mai engah nge i room ah i riah tir, i thilte a bo mai tur sin" a tih thawmah chuan James-a chu a harh zawk, "ka nihna a ni,Sangte-i pa hi dem tur a awm love, mahse dik tak chuan Sangte-i zawk hi rukruk hmang chu a ni, min khawngaihna leh a ngilneihna vang chauh in nizan a tang khan ka thinlung, tumahin an la tih nem ngai loh chu a ru hman si. Ka hmangaih a ni, mahse Sangte-i lah Angel tluk a thianghlim leh fel a ni si, ka chhuahsan vat zawk ang e," tiin a insiam a, a chhuak ru ta zul zul a.

Sangte-i chu James-a In ah chuan a kal ta fo mai a, "midangte'n drug i ti ve ta emaw, an ti ang che, lo kal tawh suh" James-a'n a tih pawh chuan engah mah a ngai duh lo. A kal a, a chhuat arawn nawi fai a, thawmhnaw a sukfai sak a, inbualna a siam sak a, chuan an ti ti dun thin. Tunah chuan, Sangte-i chu James-a chuan a hmangaih bur tawh, engemaw tal han leisak ve te a duh thin, mahse amah zawk hian thawmhnaw leh engkim a lei ta zawk fo mai. James-a chu a zak ve khawp mai, nikhat chu "Sangte, kohhran i inhmanga, nangchu Piangthar dik tak i ni, enge tih sak ve theih che ka neih?" ka ti ta ngawt a, ani chuan "ruihlo bansan la, Pathian hi hnaih ve la" ka ti ber a ti a, sermon tam tak James-a hian ngaithla tawh mahse Sangte-i thusawi tawite baka a rilru hneh leh thinlung chhun a la awm lo.

Tunah, chuan James-a pawh mi pangai tak sangtei zarah a ni chho ve tawh, inhlawhna awm ang ang ah a inhlawh a, James-a'n a lo rin dan loh deuh thil pakhat thleng erawh a awm. Khatia, a fel ve deuh tak a, nun pangai a James-a a nun chhoh leh chuan Sangtei pawh hian thlahthlam zui ve mai turah a ngai a, mahse a ni hauh lo, Sangtei chu James-a in ah chuan a kal a, an inkawm dun a tunhma ang rengin tih tur awm ang ang a tih puiin, ei rawngte a bawl sak thin. James-a chu Sangtei a hmangaihna khurah chuan lut thuk tawh hle mahse, Sangtei hi a hmangaih thu ahrilh chuan ani nula fel thianghlim chuan a duh dawnin a hre silo, chuvangin a thlakhlelh em avangin engmah a sawi duh lo, a sawi chuan a hua ang a, a kal san ang tih a hlau a ni.

Sangtei chuan kawngkhar a kik dat dat a, James-a chuan thei leh thei lovin a lo chhang, Sangtei an luh chuan James-a chu rizai hnuaiah alo mu kawm reng mai a, a khua a sik nasa hle, a khur nasa hle bawk. Nikhua a hre lo ti tih ta mai, Sangtei chu a mangang kher mai, "James-a, James-a... harh teh,,, (a in ring hman lo) James-a KA HMANGAIH CHE SIN.." a ti thei hram a, an thenawmte an rawn kal khawm thuai a, Damdawiin lamah rangtakin an panpui thuai a, James-a chu admit nghal a ni. A thisen te an la a, nachhawkna te an pek zawh chuan a harh ve deuh a, Sangtei chuan a hawsan zai reng a rel lo.

James-a a rawn harh deuh a, a bula Sangtei mittui parawl kiau a hmuh chuan akhawngaih hle mai "Sangte, ka tih palh ani katuar hi a zuau lutuk a" an ti a, Sangtei chuan chutiang sawi suh. mahse ka ti khan awm tawh suh aw, i tello chuan engtin nge ka awm ang," an ti a, James-a chuan i awm thei lutuk ang nangmah vangin mi pangai ka ang ve thei chauh a, hei bak beisei i lak ah ka nei lo, Hmangaihna pawh" an ti tel zauh a, Sangtei chuan nilo James-a, ka hmangaih che sin, khawngaih takin ka bulah awm reng rawh aw ati ta mai. James-a mak ti leh lawm bawk si chu a tho chhuak lo chauh "tak tak maw? min hmangaih maw?" a ti deuh hu a, Sangtei chuan "teh reng mai ka naupan lai a min chhan thin laite khan a awm zia ka hre ngai lo, mahse ka hmuh leh che khan ka hrethiam ta a, ka hmangaih lutuk che, nitin a zual zel thin, eng ang mi pawh ni la, eng ang pawn awm la, Ka hmangaih che" a ti ta mial mial a. Hmangaih biahthu inhlan dun chung leh kut in suih rialin an muhil ve ta a.

Doctor-in James-a koh fal chuan James-a ngaih chu atha chhiah lo, a va kal chuan Doctor chuan Counceling class kal turin alo ti, Class neih zawh lama a thu hriat chu ava rapthlak em.... James-a'n HIV+ a vei a nih chu.... James-a chu nghilh dupin a in hria.... "Sangteiin eng tin ngai ang maw? Na a va ti dawn em...." Awm dan tur pawh a hre lo... "Ka inti hlum dawn nge? Ka tlan bo dawn nge? Sangtei hi ka nei lui tho dawn... Nilo a theih loh... Ka hmangaih a... Ani pawhin min Hmnagaih ka ti chhe tur a ni lo...." ngaihtuahna mumal apu hlei thei lo. A tawngtai ta tawp mai...

Sangtei chuan James-a HIV vei chua hre ve ta, a tap ngawih ngawih a... a mangang kher mai... A nu leh Pa lah chuan inneih an phal a ring silo, James-a a kalsan chuan tumah enkawltu leh hmangaihtu aneih dawn loh thu a hre bawk si... A mangang em em a, chaw a ei thei lova, a tap ru ngawih ngawih thin. James-a a hmangaihna lah chuan a kian san bawk silo... Nikhat chu chutia Sangtei a room a atap lai chu a nu Pi Zuali chuan a rawn hmu ta thut mai.. Zep rual a awm ta lo...James-a nen an chanchin chu a hrilh ta vek a.. Tanpuitu Pathian, Sangtei'n a auhna chu alo thlawn hauh lo mai... a nu chuan a khawngaih ta em em a... " I pa ka lo rawn ang tih dan kan ngaih tuah dawn nia..." a ti ta mai... Sangtei chuan a mah hre thiamtu a nu chu a kuah ngawih ngawih a..

JAMES-A DIARY THEN KHAT

Heti khawp a khawvel tih khai leh lungte'n ni mah ila, Hmangaihna hrui min phuartu chuan chuan min phelh silo... Sangtei nen kan inneiha rem ni tluk a, mak ka tih leh ka lawm kha ka la hre lo, sex hmang dawn lo mahla ila, ka ta a ni mai tur chu ka lawm em em a, kan han innei a, ka rin phak baka miten mi lawmpui kha ava ropui em. Pathian min hmangaih vang ka tilo thei lo, Sangtei, Nula thianghlim leh fel in min hmangaih tlat chhan pawh hi pathian hnathawh ka ti lo phal lo. Sangtei'n phut let nei map lova a tawrhna leh mite hmusitna tur dawn zo lova min neih a duh tlat hi... HMANGAIHNA DIK a va ni em. Mi vannei ber ka lo ni e.

Ka dawn thin thinlai lungruk-ah,
Lenlai a rual silo, ka phu lo tha par mawi,
Senhri par mawi iang i vullaini a tawi lua ka ti, a riang tan hian.
Hlimte'n khiang awiin zamual liam tawh mahla,
Thinlai lungrukah i hlui mawlh lo,i cham reng si ka dawn lung rukah,
Lawm zel nang e, chantawk khua rel, pawmthiam har hle mahse maw....
"Cukks" ti chung zelin chantawk khua rel pawm zai ka rel tang e.
Hlimtakin ka thlah nang che, he lei hringmi chan chhung rei lo te an.
Malsawm fa nau, dam ten chawi nang che. Luah lo ling di hmeltha

SIR I LOVE YOU....I rauthla tal pawh... dt  24. feb 2012

Lehkha thiam thei tak ni lem lo mah ila, B.A ka zawh hlim chuan kan veng thenawm mai Private Higher Sec. School -ah chuan zirtirtu hna chu ka hmu ve hlauh mai; Mahni a inchawm ve thei, nih ka duh avangin i he lovin min sawmna chu ka pawm nghal ....Ka class lak hmasak na ber a ni. Mipui leh mi hma-ah hrim hrim ka din ngai loh avangin ka zam ve hle mai, kan inchhuih lut khut leh nghal a, naupang ho chu an lo nui dar dar a.

Tun ah chuan ka tlang nel ve tawh hle, naupang hma a han din pawh chu ngaiah ka nei chho ve mai a, ka school naupangte mizia theuh pawh ka hre ve nual tawh a, naupang zawng zawng zingah chuan class XII, Sec-A a mi, Roll no. 20 , Angel Lalhlimpuii (Mahlimte-i) chu naupang damlam fel leh mize zawi tak ani a, hmeichhe tam tak neih loh, nu zemna hi a nei reuh va, zep lovah chuan ka ngaina ber a, ka duhsak ru ve em em thin. Mahse "ziritrtu-in naupang a ngaizawng tur ani lo", tiin ka tilang ngai map lo thung.

Teacher's day alo thleng a, school naupang te chuan Present eng eng emaw min pe ve sap sap a, ka present dawn zingah chuan No (Cup) Manchester Logo chuang vah mai a lo awm, ka lawm hle. Tu dang min present nilovin Mahlimte-i min pek ngei a ni. Heta tang hian ka rilru hi a suak bak vekin ka hria, ngainat loh ka tum zawh poh leh Mahlim-i chu ka ngaina zual ni maiin ka inhria. Mahse thil dik leh ni thei hi a niin ka hre silo ka rilru a hah hle mai. Ka school naupang ni lo mahse kan kum a in thlau deuh bawk nen.. "An generation mi ka ni love", ka ti khang lang si, naupang dang leh ka thawhpuite'n an hriat ka hlau bawk si. ka rilru a hah ngawih ngawih thin. Hui hamsss

Exam a lo hun a, an han exam a, Mahlimte-i Answer paper chu kan en thin, ka duhsak bik tih an hria ang tih hlau reng reng uluk tawp in ka check a, midang mark ka paih lohna ah a mark ka paih sak hmak hmak nen, a chang leh zirtirtu ni tlak lo ten ka inhre vei bawk nen, a paper ka check chhung ri ngawt pawhin vawi tam ka inngaihtuah hman ani chu.

Result an han puang a, ka subject nilovah a tih that tho avangin Mahlimte-i chu pakhatna a hauh ta thova, ka thaw huai....

MY SECRET..

School kal hi ka ning em em thin, kan teachers an thlak vei sek bawk nen, ka nu leh pa bulah chuan school dang a min sawn mai turin ka ngen hman nghe nghe, mahse ka pa hian "school luhna sawn zut zut mi tha an awm ngai lo" a tih tlat avang chuan a ngaiah bawk ka lut leh nge nge a. Ni kuma ka subject tih chhiatna ber teacher, Sir Rema an ban takah chuan Sir OPA an tih chuan a rawn thlak a, a la upat vak hmel bik loh, a rawn kal hmasak ber ni chuan a zak ve nge ?? a rawn inchhuih lut khut a, a sen ve tan tan nghe nghe, a hmel ka va en chuan ruihtheih thil zuk leh hmuam lam a fihlim tih hriat tak chuan a faiin, a fresh em em mai a, ka star ru ta ngawih ngawih hi a ni ber.

Zawhna min zawh a chin avangin a zawhna ka hre lovang tih hlauvin a subject pawh ka zir ngun phah hle, home work min pe vak ngai lo na chungin, a subject hi a dang ka zir zawh-in uluk takin, a class la lai hmel mitthla reng chungin ka zir nawn leh thin.

Teachers day alo thleng a, "enge ka pek ang aw ???" ti a ka ngaihtuah lai chuan, Manchster Utd. football team a tan em em tih Class a sawi chu hrechhuak zawk a, ka thieh ang angin ka inhlawh ve tauh tauh a, mawi takin ka fun a, ka present ta a, ka pek ni a, a hranpa ngat a lawmthu min hrilh kha chu ka mur chhuak vekin ka hria. Ka zak a, ka lawm bawk si, a nui hmel kha ka mitthla-ah a reh tawh pawn ka ring lo.

Mahni zirtirtu te ngaihzawn chu ka zak hle mahse ka hriat loh karin Hmangaihna hrui hrual chuan min phuar bet ta si, ka zirlai-ah failed nih ka zah avangin theih tawp min chhuah tir a, ka tan phah hle. Abikin Sir OPA subjecr nghat phei chu ka tang zual.Ka thiannu ber Asangi lah hian Sir OPA hmelthat zia hi a sawi ve chamchi thin. Mahse, ka sawipui ngai lo. Mite'n, a rukin ka duh a, hmeltha ka ti tih pawh an hriat ka duh lo...

Kan han exam a, kan room a rawn duty ni phei chuan ka lai tlat mai, minute sawm vel chu ka ziak lawk thei lo nghe nghe... Ka khur chhiat hma chuan zun ka dil a, ka va inthing harh a... ka ziak ve thei chauh a lawm...

Result an puang Sir Opa subject ah ka ti tha lo khawp mai... ka zak hi a ni tawp.. Pakhatna ni mah ila Sir Opa subject, subject dang aia ka ti chhia ang a a lang chu ka zak ngawih ngawih...

THEN.....

Hun alo kal zel Mahlim-i ka ngainatna chu ka zep thei lo tulh tulh si, Promotion exam a hnaih tawh avangin ka fimkhur zual sauh a, ka be ngai ta meuh lo, tlem a kum upa ve deuh ta chuan, Mahlim-i pawh hian an sir pakhat a ngainat ve satliah mai ka ni lo tih ka hre tawh... Mahse, ngaizawng angin ka biak duh miah lo bak a, zirlai sawi lo chuan min be suh ka tih avang chuan thil dangah min be ngai meuh lo. Zirlai erawh kan inzawt ngun tulh tulh thung.

Hmangaihna Up beh tum chu a so sang tial tial mai si, Mahlim-i te exam zawh zan chuan kan school naupang a ni tawh lo bawk a, tiin a vawi khat-na atan ka va be hmasa ta, a lawm tih pawh a aw atangin ka hre thei. Kan in be rei hle, atawpah chuan SIR I LOVE YOU a rawn ti ta mai. Ka phu deuh zawk, ka zak a ni, Mahse ka lawm si.. Ka chhang lem lo, thil dang ka sawi leh ta rih a.

Mahlim-i Class XII First Division ah a pass tih ka hriat rualin ka lawm rual rualin ka huphurh bawk, "i pass ka lawm sak ang che" tiin ka sawmna chu a chhungte'n rem an tih tak avang chuan Mahlim-i chu ka chhuah pui ve zan mai. School Uniform ha lovin ka vawi khat hmuhna a ni. Mahlim-i chu a hmeltha kher mai, make up inhnawih miah loh mahse a mawi dangdai ka ti. Ka in sum zo ta bik lo. Mahlim-i chu Hmangaih biahthu ka hlan ve ta nge nge, a biangah mittui a rawn luang "sir, ka mumang a ni ang tih ka hlau, ka duh lutuk che" tih bak a sawi thei lo, ka kuah ta vawng vawng a.

Shillong lam a college zawm tur a an tih avang chuan ka va thlah ve a, rinawmna thu thlungin mittui parawl kuang khan min liamsan ta vung vung a, School kan han tan leh a, Mahlim-i thutna ruak ta huai mai, a hmel lah hmuh tur a awm tawh silo, ka khua ava han har tak em..

Phone-in kan in be cham chi reng a, hunawl ka neih phawt chuan kan inbe pawh reng thin. A lo haw dawn tih ka hriat ni chuan ka tang hle mai, hmai facial tir hial ka nap hial, chaw ka ei hlei thei tawh lo, a rawn haw kawngah pawh min rawnbe cham chi a, Ladrymbai, Silchar leh Vairengte an thlente chuan min rawn be reng , ka phur tulh tulh bawk, ka phone ka en deuh reng mai a ni.

Rawn thlen a hun tawh.. mahse ka mobile a ri miah lo, alo thleng tawh ang a, ka va ngaihven mai tiin an inlamah chuan ka phei ta nge nge.... Mahlim-i chuan amah chauhin bungrua a lo rem fel mawlh mawlh a.. ka va koh chuan a rawnhawi thuai a, a rawn tlan a min rawn kuah nghal thlawrh a. A mittui a luang zawih zawih, Kei chuan "Mahlim-i tap suh, i bulah ka awm tawh a lawm" kan ti a. Ani chuan "Sir, i hrethiam lo a ni,kangai lutuk tawh che sin.... Min kal san suh aw... SIR I LOVE YOU" a ti theih a, tunhma aiin a lo dang deuh tawh nangin ala hmeltha kher mai, nula ti tuai tak tak a pu tawh nen, Choka lamah thingpui lum tur a akal chu a rei ka ti deuh avangin ka va phei ve a.. mahse tumah an lo awm lo... "Mahlim-i, Mahlim-i ava pawi em..." Mahlimi nu a ni.. A khawng tih tih a, a tap hlei thei lo a ni ber e...... 

Mahlimi te chuanna Capital Bus chu kawnpui leh Zanlawn inkarah a chesual, a chuang zawng zawng an boral nghal vek... ka thu hriat hi ka awih thei lo...A na ka ti.... Engah nge Shillong kal tir lo khan ka lo neih mai loh,,, a rauthla tal pawh min ngaih vangin arawn tir tak tawk tawk kha a ni si.... Nupui neih zai reng ka rel ta lo... Mahlim-i thil pek (No) chu uluk takin ka hru fai a. 

"Mahlim, Ka hmangaih awm chhun i ni, hringmi chang tawh lo mahla, ka dam chhungin hmeichhe dang ka hmangaih leh tawh ngai lovang, he ka thinglung hi tutan mah ka phal tawh lo..." tiin Mahlim-i no min pek leh a chanchin ziahna tawi te MY SECRET rih Mahlim-i ziah chu ka dah tha leh ta hmak a.